My Wanderings 127. Urdu Nazam No 12. Mere ahle ahbab

Jab se aasoodgi  badne laggi hai ,  rishte naate  bigadne  lage hai.

Aur Mere sare dost, ahle ahbab sab  mujse bichadne lage hai .

Ruswa hue Hai rishte aur dost bi  rang Badal Rahe Hai.

Kuch bi  hua na  hassil,  bas  sab  door    ho  Gaye   hai.

Yeh sab Taraqi  aur kamyabi ke zamni asraat hai 

Aur aapsi  hodd  kee wajah  ki  yeh badi  karamaat  hai .

Keh do in asayishoo se kanhi door ja ke 

Barse.

Mere sare apne mujse  milne ko kabi na

 tarse.

Hamne Hassil Kiya bahut kuch ,par skoon hua na hassil .

Dil rekhta ho chuka hai, aur nahi hai umed Kaise ho yeh basil.

Zaati  masaloo Mai hi iss kadar  mulawis aur masroof hai ham.

Milne ki fursat  kssi ko nahi hai, chahiye toot hi Jaye yeh dam.

Sirf apnoo ke rutbbe aur ohdde se hi, Bana lette hai pehchaan ham.

Rakhte nahee kabi koi  lihaaz,  apne dosti ya aashnai ka ham.

Apnoo ki Nukht-chini aur munafikat se Bana hai hamara  kirdaar.

Ban sake na ham kabi kissi ke hamdard  ya gamgussar.

Kafile ruk Gaye  hai aur  phasle bad  chuke hai, Ramesh 

Koi rastoo ko kaise khoje  , manzilain door ho gyee hai. 

My Wanderings 126. Urdu Nazam 11. Raze Akhlaqyat

Behboodiyoo Mai na raho tum  itna bi bahut  magroor.

Barbadian be phir peecha karti hui aati hai zaroor.

Chahiye kitni bi udaan barne ki Himmat tum Mai  ho magar.

Tum zameen se Jude ho aur kadam bi rakhna zameen Par.

Pesh aawo Saboo se  tum badi khush asloobi se.

Darde dil rakho sambale tabiyat Mai  bahut khoobi se.

Khud pahal Karo milne ki sab se chhod ke yeh Sara garoor.

Warna reh jaoge Akele hi ,chahiye kitne bi ho mashhoor.

Kuch hasil nahi Hota karne se daleelo par takraar. 

Jeet jate ho daleelai aur kho dete ho apne

Kareebe yaar.

Malo zar Kitna bee sameto,  akhir yeh duniya   Phani hai.

Ek saans ruk jayegi Bande ki to yeh sab be mani hai. 

Utna hi kamawo imaan se zindagi Mai jitna ho darkaar.

Aur kuch zyada Kamaoge to woh sab Karo khairaat. 

Khak se hi bane ho aur hona bi tumhe hai  akhir  purkhak.

Khatam honge tere sab fasane aur reh jayenge bas tere ikhlaq.

My Wanderings 125. Urdu Nazam 10. Raze Kamyabi

My Wanderings 125

Urdu Nazam 10

Raze Kamyabi 

kamyabi dekhti nahi Hai sirf  tumhari  salahyat aur Tera hunar.

Yeh tere behtar moqqe khojne  ke  Azam par bi hai munhasar 

Behtar moqqe zindagi Mai har waqat  mayusar nahi ho pate hai.

Yeh woh shay Hai Jo milte nahi hai  balki paida kiye jate hai.

Apki kamyabiya aur nakamyabiya apki  sonch se  hi hai  purassar .

Ab aap ki konsi sonch kitni mazboot  hai wohi  apko  hai mayusar.

Bas tum barosa rakho apne aamal aur apni liyaqat   par.

Takki kudrat tumhe tawfeek bakhshe aur  Rahe Teri inayat par.

Apne ko Khud tarsi ka shikar na hone dena  thodi see riyayat ke liye.

Khud aitmadi ka jazba paida karna zaroori Hai apni naveeyat  ke liye. 

Kamyabi kissi ko milti khairaat Mai ho  bilkul bi  nahi.

Tum pahla  kadam to badao aur koshish Karo to sahi .

Kissi ko apne pe hawi na hone Dena aur kisi se mutasir na hona  tab tak 

Khud ehsassi ke zariye se hi Bana Lena zaroori Hai apna Mantak. 

Kudrat ne tumhe itnee Kuwat se nawza hai , Ramesh 

Tum apni kismet  ko bee apne aamaal se  Badal sakte ho.

rkkaul.blogspot.com

My Waderings 124 Urdu Nazmo Ghazal 9. Mere Valid..... Ek Kharaje Tehseen

Teri  belos  shafkat Ka Jo muj par tha beshkeemat Saya. 

Mere valid mere rehbar ,Tere jeete ji Mai tuje pehchan na paya.

Too ne dikhawe ke liye na  Kiya   kabi muj se mahobat Ka izhaar .

Shayad  isliye  Raha  mai  nadaniyoo  ki wajah se tumse  bezaar .

Tune Nazmo zabud ki Jo tarbiat  se hamme Nawaza  tha 

Zindagi se  roobroo hone  ke  hunar ka wohi  darwaza tha 

Teree roohaniyat kee taqmeel aur liyaqat   se  ham sada Rahe gafil. 

Isliye ham ne  koshishoo ke bawajood , iss awaz kuch na Kiya hasil.

Yeh Jo hamne apne wajood se  thoda sa bi Kiya Hai insaaf 

Yeh Teri  hi   innayat hai  ham par,  aur tere hi hai awsaaf.

Tu ne meri  Khatir  kurbani di  apni zaroorat  ki

Mai gafil raha hardam apni hi hasrat

 mai .

Mere mohsin, mere aakka aur  mere banda parvar. 

Tu ne  Har shay rakhi mere liye pal bar mai mayusar 

Bahut Der ke baad muje ehsaas hua Teri azmat ka 

Jab Mai khud valid Bana aur kayal  hua  Teri rehmat ka. 

My Wanderings 123 My Urdu Nazmo Ghazal 8 Khwabe sehar

Woh shok nazare aur  dilkash adaayain  woh  shadab rukhsaar aur woh nigahe 

nazuk thi itni   badan kampe thar thar

rangat thi aisee jaise ho  sange marmar

Guftaar Mai uske  bebakiyaan thi.

Magar lahje se  bahut hi naram thi 

Woh uskee zahanat , aur hazir jawabi 

Dilafroz  Tabiat aur shaane nawabi 

Dil jeetne ke hunar mai  woh thi mahir

Aur Nazakat thi uski latafat se Zahir. 

Woh shano.showkat aur Rangeen mehfil

Uski ranayiyu so koi rah.saka na gafil.

Besakhtagi se woh khwab mai maire  roobroo  thi 

Mere tasuvur se milti bahut garz hoobhoo thi 

My Wanderigs 122. My Urdu Nazmo Ghazal. 7 Gamme furkat

My Wanderings 122

Urdu Nazmo Ghazal 7

Gamme Furkat 

Tumse milne aur tumhe paane  kee umeed, bahut Kam ho balle .

Par Yeh kya Kam Hai ki rehte hai  ham, ek hi aasmaan ke talle.

Tum  se koi umed na rakhi  aur na koi bi  shikayat hai  muje 

Ek hi zameen Par hai rahte is se aur kya zyada chahiye hamme.

Teri hijrat Ke gam ne muje  bahut  sataya hai kai barsoo. 

Doondta rahta tha Mai tumko Har Shahar, har Gali aur harsu. 

Tuje pane ki hasrat ne  rulaya hai  muje  bahut, tab  tak .

Mere shavoor Mai  tangnazri ka ehsas tha, jab  tak. 

  

Jab kissi raat Chand ko dekhta hoo  Mai ,  bahut fursat se.

Bhool Jata hoo Sab ,aur riha Hota hoo, gamme furkat se.

Tum bi to isi Chand ko dekhkar, Shayad muje yaad karti hogi

Yeh ganeemat hai ki tum bahut door nahi,

mujse kabi to milogi. 

Ab yeh aalam hai ki kissi Baat ka gam, muje satata nahi betahasha 

Khush rehta hoo Mai apne  hall se,  aur  kudrat ki har shay se hamesha. 

rkkaul.blogspot.com

My Wanderings 121. My Urdu Nazam. 6 Mai Maa Ko Kaise boolu

Woh mera dil woh meri jaan , woh meri piyari Ammi Jaan , Usko  mai kaise boolu

Woh mera deeno dharam imman , uske  mujpar kayee  ehsaan, Mai  maa ko kaise boolu.

Woh meri azmat meri Shaan, Maa  ka sab se bada muqam, usko Mai kaise boolu

Maa mere wajood ka aagaaz, jis  par hai mujko bahut hi naaz,  usko mai kaise  boolu.

Woh meri tarbiyat ka raaz, aur meri  shakhsiyt ka  saaz  , ussko Mai kaise boolu.

Uska dil labrez  mahobat se , woh   Bara  pymana  shafkat se , usko mai kaise

 boolu.

Yeh meri Hayat uski inayat hai aur uska khayal meri ibaadat hai, mai usko kaise boolu.

Mere Bachpan ke betuke sawaal aur Maa ke  maqool jewab , mai usko kaise boolu.

Jab  zindagi meri bani bawal , Maa ne rakha mera bahut khayal, Mai usko kaise boolu.

Maa meri Rahmat ki tasveer  , Maa mere Har gam ki taseer , usko mai  kaise boolu.

Maa kaise utaroo karz  Teri  ulfat ka , Utni meri hasiyat hi  kahan ,mai Maa tumko  kaise boolu.

Yeh mere  Shero sukhan ki bhol   ,   hai tere hi kadmoo ki dhool , maa  mai tujko nahi boola.